കൽപ്പറ്റ: ചുരൽമലയിലെ ബെയ്ലി പാലത്തിൻ്റെ നിർമാണം സൈന്യം പൂർത്തിയാക്കി ഗതാഗതത്തിനായി തുറന്നുകൊടുത്തു. സൈനിക വാഹനത്തിൽ കയറ്റിയാണ് പാലത്തിൻ്റെ ഭാരം പരിശോധിച്ചത്. മേജർ സീത ഷെൽക്കയായിരുന്നു ഈ ദൗത്യത്തിൻ്റെ കമാൻഡർ. 24 മണിക്കൂറിനുള്ളിൽ സൈന്യം ഈ ചരിത്ര ദൗത്യം പൂർത്തിയാക്കി.
മുണ്ടക്കൈയെയും ചൂരൽമലയെയും ബന്ധിപ്പിക്കാൻ സൈന്യമാണ് ബെയ്ലി പാലം നിർമ്മിച്ചത്. ഇന്നലെ ഉച്ചയോടെയാണ് സൈന്യം ഈ പാലം പണിയാൻ തുടങ്ങിയത്. സൈന്യം ഏകദേശം 28 മണിക്കൂറിനുള്ളിൽ പാലത്തിൻ്റെ നിർമ്മാണം പൂർത്തിയാക്കും, പാലം പൂർത്തിയായാൽ രക്ഷാദൗത്യത്തിന് വേഗം കൂടും. മദ്രാസ് റെജിമെൻ്റിൽ നിന്നുള്ള എഞ്ചിനീയറിംഗ് സംഘം ഈ പാലത്തിൻ്റെ നിർമ്മാണം പൂർത്തിയാക്കിയത്.
താൽക്കാലിക ബെയ്ലി പാലം സംസ്ഥാനത്തിന് വിട്ടുനൽകുമെന്ന് സൈന്യം പ്രഖ്യാപിച്ചിരുന്നു. സ്ഥിരം പാലം പൂർത്തിയാകുന്നതുവരെ ബെയ്ലി പാലം നാടിനെന്ന് മേജർ ജനറൽ വിനോദ് മാത്യു പറഞ്ഞിരുന്നു. കുത്തനെയുള്ളതും ദുര്ഘടമായ ഭൂപ്രദേശങ്ങളിൽ അടിയന്തരമായി പണിയുന്ന പാലങ്ങളാണ് ബെയ്ലി പാലങ്ങൾ.
ദുരന്ത നിവാരണത്തിനും സൈനിക ആവശ്യങ്ങൾക്കും വേണ്ടിയാണ് ഈ പാലം നിർമ്മിച്ചത്. ഇതിനകം നിർമ്മിച്ച ഭാഗങ്ങൾ നിർമ്മിക്കേണ്ട സ്ഥലത്ത് വേഗത്തിൽ കൂട്ടിച്ചേർത്താണ് ഇത് നിർമ്മിക്കുന്നത്. സിവിൽ ആവശ്യങ്ങൾക്കായി ഇന്ത്യയിൽ ആദ്യമായി നിർമ്മിച്ചതാണ് ബെയ്ലി പാലം. കേരളത്തിലെ പത്തനംതിട്ട ജില്ലയിലെ റാന്നിയിൽ പമ്പാ നദിക്ക് കുറുകെയാണ് ബെയ്ലി പാലം നിർമ്മിച്ചിരിക്കുന്നത്. 36 വർഷം പഴക്കമുള്ള പമ്പാനദിയിലെ റാന്നി പാലം തകർന്നപ്പോൾ സൈന്യം താൽക്കാലിക പാലം നിർമിച്ചു. 1996 നവംബർ 8 ന് റാന്നിയിൽ സൈന്യം ബെയ്ലി പാലം നിർമിച്ചത് . അടുത്ത രണ്ടു മാസത്തേയ്ക്ക് ഈ പാലത്തിലൂടെയായിരുന്നു ഭാരം കുറഞ്ഞ വാഹനങ്ങള് നദി കുറുകെകടന്നത്.
ഇതുവരെ നിർമ്മിച്ചതിൽ വച്ച് ഏറ്റവും നീളം കൂടിയ ഉരുക്കുകൊണ്ട് നിർമിച്ച പാലമാണിത്. സൈനിക ആവശ്യങ്ങൾക്കായി കശ്മീരിൽ നിർമിച്ച ആദ്യ പാലമാണിത്. ലഡാക്കിലെ ദ്രാസ്, സുലു നദികൾക്കിടയിലാണ് ഇത് സ്ഥിതി ചെയ്യുന്നത്. ഇതിന് 30 മീറ്റർ (98 അടി) നീളമുണ്ടായിരുന്നു. 5602 മീറ്റർ ഉയരത്തിലാണ് ഇത് സ്ഥിതി ചെയ്യുന്നത്. ഇന്ത്യൻ ആര്മിയായിരുന്നു ഇത് സ്ഥാപിച്ചത്.
