വയനാട്: ഇന്ത്യ കണ്ട ഏറ്റവും വലിയ ദുരന്തങ്ങളിലൊന്നാണ് വയനാട്ടിൽ സംഭവിച്ചതെന്ന് ലെഫ്റ്റനൻ്റ് കേണൽ നടൻ മോഹൻലാൽ. നഷ്ടപ്പെട്ടത് തിരിച്ചെടുക്കാനാവില്ല. മുന്നോട്ടുള്ള ജീവിതം മെച്ചപ്പെടുത്താനാണ് ശ്രമിക്കേണ്ടത്. വയനാട്ടിൽ സംഭവിച്ചത് വളരെ സങ്കടകരമാണ്. സ്വന്തം കണ്ണുകൊണ്ട് കണ്ടാൽ മാത്രമേ ദുരന്തത്തിൻ്റെ ഗൗരവം മനസ്സിലാകൂ. എല്ലാവരും സഹായിക്കുന്നുണ്ട് എന്നത് വലിയ കാര്യമാണ്. സാധാരണക്കാർ മുതൽ പട്ടാളക്കാർ വരെ എല്ലാവരും ദൗത്യത്തിൽ പങ്കാളികളായി. താൻ കൂടി അടങ്ങുന്നതാണ് മദ്രാസ് 122 ബറ്റാലിയൻ. 16 വർഷമായി ഈ ഗ്രൂപ്പിൽ അംഗമാണ്. അവരടക്കം രക്ഷാപ്രവർത്തനം നടത്തുന്നവരെ നേരിട്ട് കാണാനും നന്ദി പറയാനും മനസ് കൊണ്ട് അവരെ നമസ്കരിക്കാനുമാണ് താൻ വന്നത്. ബെയ്ലി പാലം തന്നെ ഒരു മഹാത്ഭുതമാണ്. ദൈവത്തിൻ്റെ സഹായത്താൽ ഇത് യാഥാർത്ഥ്യമായി എന്ന് ഞാൻ കരുതുന്നു. ദുരന്തമേഖലയുടെ പുനരുദ്ധാരണത്തിന് വിശ്വശാന്തി ഫൗണ്ടേഷൻ മൂന്ന് കോടി നൽകും. സ്ഥിതിഗതികൾ നിരീക്ഷിച്ച ശേഷം, ആവശ്യമെങ്കിൽ ഫണ്ട് വീണ്ടും സാമ്പത്തിക സഹായം നൽകും. വെള്ളാർമല സ്കൂൾ പുനർനിർമിക്കാനുള്ള ദൗത്യം ഏറ്റെടുക്കുമെന്നും മോഹൻലാൽ പറഞ്ഞു.
ബെയ്ലി പാലം വഴി സൈന്യം മുണ്ടക്കൈയിൽ എത്തിച്ച മോഹൻലാൽ രക്ഷാപ്രവർത്തനത്തിൽ ഏർപ്പെട്ടിരിക്കുന്ന സൈനികരുമായും സന്നദ്ധപ്രവർത്തകരുമായും സംസാരിച്ചു. ഉരുൾപൊട്ടലിൽ നാശനഷ്ടമുണ്ടായ പ്രദേശങ്ങൾ സന്ദർശിച്ച് വിവിധ വകുപ്പുകളുടെ പ്രവർത്തനങ്ങൾ വിലയിരുത്തി. ഉരുൾപൊട്ടലിൻ്റെ പ്രഭവകേന്ദ്രത്തിനടുത്തുള്ള പഞ്ചിമഠത്തിൽ മോഹൻനൽ എത്തി സ്ഥിതിഗതികൾ നിരീക്ഷിച്ചുവരികയായിരുന്നു. തുടർന്ന്, നാട്ടുകാരോടും മോഹന്ലാല് കാര്യങ്ങള് ചോദിച്ച് മനസിലാക്കുന്നുണ്ടായിരുന്നു. സൈനിക യൂണിഫോമിൽ എത്തിയ മോഹനലിനൊപ്പം മേജർ രവിയും മുതിർന്ന സൈനിക ഉദ്യോഗസ്ഥരും ഉണ്ടായിരുന്നു. പിന്നീട് മാധ്യമങ്ങളെ കാണുകയും വിശ്വശാന്തി ഫൗണ്ടേഷനിലൂടെ പിന്തുണ പ്രഖ്യാപിക്കുകയും ചെയ്തു.
