കൊച്ചി: വയനാട്ടിലെ ഉരുൾപൊട്ടൽകേസിൽ സുപ്രീംകോടതി ഇന്ന് സ്വമേധയാ വാദം കേൾക്കും. ജസ്റ്റിസ് ജയശങ്കരൻ നമ്പ്യാർ, ജസ്റ്റിസ് വിഎം ശ്യാംകുമാർ എന്നിവരുടെ നേതൃത്വത്തിലുള്ള ബെഞ്ചാണ് കേസ് പരിഗണിക്കുന്നത്. ഗാഡ്ഗിൽ, കസ്തൂരിരംഗൻ എന്നിവരുടെ റിപ്പോർട്ടും കോടതിയുടെ പരിഗണനയിലുണ്ട്. ഈ കേസിൽ സ്വമേധയാ കേസെടുക്കണമെന്ന് ഡിവിഷൻ കമ്മിറ്റി നിർദേശിച്ചിരുന്നു. അനധികൃത ഖനനം, പ്രളയം തുടങ്ങിയ കാര്യങ്ങൾ നിയന്ത്രിക്കാൻ എന്തുചെയ്യാനാകുമെന്ന് പരിഗണിക്കണമെന്നും കോടതി പറഞ്ഞു.
മാധ്യമവാർത്തകളുടെയും ഹൈകോടതിയിൽ ലഭിച്ച കത്തിൻ്റെയും അടിസ്ഥാനത്തിൽ വയനാട്ടിലെ ഉരുൾപൊട്ടലുമായി ബന്ധപ്പെട്ട് സ്വമേധയാ കേസെടുത്തത്. വയനാട് ദുരന്തത്തിൻ്റെ പശ്ചാത്തലത്തിൽ ഫണ്ട് ശേഖരണം നിയന്ത്രിക്കണമെന്നാവശ്യപ്പെട്ട് ഹൈക്കോടതിയിൽ പൊതുതാൽപര്യ ഹർജി. സർക്കാരിൽ നിന്നും അനുമതി വാങ്ങാതെയുള്ള പണസമാഹരണം തടയണമെന്നാവശ്യപ്പെട്ട് കാസർകോട് സ്വദേശിയും ചലച്ചിത്ര നടനുമായ അഡ്വ. സി ഷുക്കൂറാണ് ഹർജി നൽകിയത്.
പല സംഘടനകളും തങ്ങളുടെ അക്കൗണ്ടുകൾ കൃത്യമായി ഉപയോഗിക്കുന്നുണ്ടോയെന്ന് പരിശോധിക്കാൻ സംവിധാനമില്ലെന്നാണ് ഹർജിയിലെ പ്രധാന ആരോപണം. ഈ സാഹചര്യത്തിൽ സർക്കാർ തലത്തിൽ മോണിട്ടറിങ് സംവിധാനം വേണമെന്നാണ് ആവശ്യപ്പെട്ടിരിക്കുന്നത്.
