തിരുവനന്തപുരം: ഏറെ നാളുകളായി നീണ്ട വിവാദങ്ങളും ചര്‍ച്ചകളും തമ്മില്‍ ഹേമ കമ്മിറ്റി റിപ്പോര്‍ട്ടിലെ സര്‍ക്കാര്‍ ഒഴിവാക്കിയ ഭാഗങ്ങള്‍ ഇപ്പോൾ വെളിച്ചത്തിലേക്ക് വരുന്നു. റിപ്പോര്‍ട്ടിലെ സര്‍ക്കാര്‍ നീക്കിയ ഭാഗങ്ങള്‍ നാളെ കൈമാറുമെന്ന് വിവരാവകാശ കമ്മീഷന്‍ അറിയിച്ചു. റിപ്പോര്‍ട്ടിലെ മറ്റ് ഭാഗങ്ങളും പുറത്തുവരുന്നുണ്ട്.
വിവരാവകാശ നിയമത്തിന്റെ അടിസ്ഥാനത്തിൽ വെട്ടിമാറ്റിയ ഭാഗങ്ങൾ ഉൾപ്പെടെ നൽകണമെന്നാവശ്യപ്പെട്ട് അപ്പീൽ നൽകിയ മാധ്യമപ്രവര്‍ത്തകര്‍ക്ക് ഈ ഭാഗങ്ങൾ നൽകേണ്ടതാണ്. വിവരാവകാശ കമ്മീഷൻ ഒഴിവാക്കാൻ നിർദ്ദേശിച്ചിട്ടുള്ളതിനു പുറമെ, ചില പാരഗ്രാഫുകൾ സർക്കാർ സ്വതന്ത്രമായി ഒഴിവാക്കിയിരുന്നു. 49 മുതൽ 53 വരെ ഉള്ള പേജുകൾ ആയിരുന്നു സർക്കാർ സ്വതന്ത്രമായി വെട്ടിയത്. ഈ ഭാഗങ്ങൾ നാളെ കൈമാറും. മാധ്യമപ്രവര്‍ത്തകരുടെ അപ്പീലുകൾ പരിഗണിച്ച വിവരാവകാശ കമ്മീഷണറുടെ തീരുമാനമാണ് നിർണായകമായത്.
