ഹജ്ജിന് തിരഞ്ഞെടുക്കപ്പെട്ടവരും രേഖകൾ സമർപ്പിച്ചവരും രണ്ടാം ഗഡു തുകയായ 1,42,000 രൂപ അടക്കാനുള്ള അവസാന തീയതി 2025 ജനുവരി 6 വരെ നീട്ടിയതായി കേന്ദ്ര ഹജ്ജ് കമ്മിറ്റിയുടെ സർക്കുലർ നമ്പർ 21യിൽ അറിയിച്ചിട്ടുണ്ട്. വെയ്റ്റിങ് ലിസ്റ്റിൽ നിന്നും തിരഞ്ഞെടുക്കപ്പെട്ടവരുടെ പണമടക്കാനുള്ള അവസാന തീയതിയും, സർക്കുലർ നമ്പർ 13 പ്രകാരം, ജനുവരി 6 വരെ നീട്ടിയിട്ടുണ്ട്.
വെയ്റ്റിങ് ലിസ്റ്റിൽ നിന്ന് തിരഞ്ഞെടുക്കപ്പെട്ടവർ ജനുവരി 6 നകം ആദ്യ രണ്ട് ഇൻസ്റ്റാൾമെന്റ് തുകയായ 2,72,300 രൂപ അടച്ച്, അപേക്ഷയും അനുബന്ധ രേഖകളും ജനുവരി 8 നകം ഹജ്ജ് കമ്മിറ്റി ഓഫീസിൽ സമർപ്പിക്കണം.
ഹജ്ജിന് അടക്കേണ്ട ബാക്കി തുക, വിമാന ചാർജ്, സൗദിയിൽ ചെലവ് എന്നിവയെ അടിസ്ഥാനമാക്കി, അപേക്ഷകരുടെ എമ്പാർക്കേഷൻ അനുസരിച്ച് കേന്ദ്ര ഹജ്ജ് കമ്മിറ്റി പിന്നീട് അറിയിക്കും. തുക സംബന്ധിച്ച കൂടുതൽ വിവരങ്ങൾ ഹജ്ജ് കമ്മിറ്റിയുടെ വെബ്സൈറ്റിൽ ലഭ്യമാണ്.
