ബെംഗളൂരു: മുൻ കേന്ദ്ര വിദേശകാര്യമന്ത്രിയും കർണാടക മുൻ മുഖ്യമന്ത്രിയുമായ എസ് എം കൃഷ്ണ 93 വയസ്സിൽ അന്തരിച്ചു. ഇന്ന് പുലർച്ചെ 2.45-ന് ബംഗളൂരുവിലെ തന്റെ വസതിയിൽ അദ്ദേഹം അന്തരിച്ചു. വാർധക്യസഹജമായ അസുഖങ്ങൾ കാരണം വിശ്രമ ജീവിതത്തിലായിരുന്നു. 2009 മുതൽ 2012 വരെ യുപിഎ സർക്കാരിൽ വിദേശകാര്യമന്ത്രിയായിരുന്ന അദ്ദേഹം, 1999 മുതൽ 2004 വരെ കർണാടക മുഖ്യമന്ത്രിയായിരുന്നു. 2017-ൽ കോൺഗ്രസ് വിട്ട് ബിജെപിയിൽ ചേർന്നിരുന്നു. 1962-ൽ പ്രജാ സോഷ്യലിസ്റ്റ് പാർട്ടിയിലൂടെ രാഷ്ട്രീയത്തിലേക്ക് പ്രവേശിച്ച അദ്ദേഹം ഒരു പ്രശസ്ത നിയമജ്ഞനായിരുന്നു. ബെംഗളൂരു നഗരത്തെ മഹാനഗരമാക്കുന്നതിൽ എസ് എം കൃഷ്ണയുടെ സംഭാവന വളരെ പ്രധാനമാണ്.
