പാരീസ്: പാരീസ് ഒളിമ്പിക്സിൽ ഇന്ത്യൻ ടീം മിക്സഡ് അമ്പെയ്ത്ത് ക്വാർട്ടർ ഫൈനലിൽ. അങ്കിത ഭഗത് ധീരജ് ബൊമ്മദേവരയുടെ സംഘമാണ് ക്വാർട്ടറിൽ കടന്നത്. ഇന്തോനേഷ്യൻ ടീമിനെ പരാജയപ്പെടുത്തി ഇന്ത്യൻ താരങ്ങൾ ക്വാർട്ടറിൽ പ്രവേശിച്ചു. 5-1 എന്ന പോയിന്റിനാണ് ഇന്ത്യൻ സഖ്യത്തിന്റെ വിജയം. സ്കോർ 37-36, 38-38, 38-37.
ആദ്യ സെറ്റിൽ ഇന്ത്യൻ താരങ്ങൾ 37 പോയിൻ്റും ഇന്തോനേഷ്യൻ ടീം 36 പോയിൻ്റും നേടി. അതായത് ആദ്യ സെറ്റും നിർണായകമായ രണ്ട് പോയിൻ്റും ഇന്ത്യ സ്വന്തമാക്കി. രണ്ടാം സെറ്റിൽ ഇന്ത്യയും ഇന്തോനേഷ്യയും 38 പോയിൻ്റ് വീതം നേടി. ഇതോടെ രണ്ട് ടീമുകൾക്കും ഓരോ പോയിന്റ് വീതം ലഭിച്ചു. നിർണായകമായ മൂന്നാം സെറ്റിൽ ഇന്ത്യ 38 പോയിൻ്റ് നേടിയപ്പോൾ ഇന്തോനേഷ്യക്ക് 37 പോയിൻ്റ് മാത്രമാണ് നേടാനായത്.
പാരീസ് ഒളിമ്പിക്സിൽ ഇന്ത്യ ഇതുവരെ മൂന്ന് മെഡലുകൾ നേടിയിട്ടുണ്ട്. നിലവിൽ മൂന്ന് വെങ്കലവുമായി മെഡൽ പട്ടികയിൽ 45-ാം സ്ഥാനത്താണ് ഇന്ത്യ. അമ്പെയ്ത്ത് ഉൾപ്പെടെയുള്ള ഇനങ്ങളിൽ അവർ നേടിയ വിജയങ്ങൾ കൂടുതൽ മെഡലുകളിലേക്ക് നയിക്കുമെന്ന പ്രതീക്ഷയിലാണ് ഇന്ത്യൻ ആരാധകർ.
