മലപ്പുറം: പിതാവ് കാറിൻ്റെ താക്കോൽ നൽകാത്തതിനെ തുടർന്ന് മകൻ കാർ കത്തിച്ചതായി പരാതി. മലപ്പുറം കൊണ്ടോട്ടിയിലാണ് സംഭവം. നീറ്റാണിമ്മൽ സ്വദേശി ഡാനിഷ് മിൻഹാജിനെ (21) പൊലീസ് അറസ്റ്റ് ചെയ്തു. പിതാവിൻ്റെ പരാതിയുടെ അടിസ്ഥാനത്തിൽ കൊണ്ടോട്ടി പോലീസ് പ്രതിയെ അറസ്റ്റ് ചെയ്തു. ഡാനിഷ് മിൻഹാജിന് ഡ്രൈവിംഗ് ലൈസൻസ് ഇല്ലായിരുന്നു.
ചൊവ്വാഴ്ച വൈകിട്ടാണ് സംഭവം. പ്രകോപിതനായ യുവാവ് വീട്ടുപകരണങ്ങളും ഫർണിച്ചറുകളും അടിച്ചു തകർത്ത ശേഷം കാർ പെട്രോൾ ഒഴിച്ച് കത്തിച്ചു. കാർ പൂർണമായും കത്തിനശിച്ചു.
