കോഴിക്കോട്: മയക്കുമരുന്ന് വ്യാപാരിയുടെ ബാങ്ക് അക്കൗണ്ട് പൊലീസ് മരവിപ്പിച്ചു. കോഴിക്കോട് നരിക്കുനി സ്വദേശിയായ മുഹമ്മദ് ഷഫാന്റെ അക്കൗണ്ടാണ് മരവിപ്പിച്ചത്, ഇതിൽ ഏകദേശം 1.5 ലക്ഷം രൂപ ഉണ്ടായിരുന്നുവെന്ന് റിപ്പോർട്ട് ചെയ്യുന്നു. സെപ്തംബറിൽ 481 ഗ്രാം എം.ഡി.എം.എയുമായി ഷഫാൻ പിടിയിലായിരുന്നു. തുടർന്ന്, പൊലീസ് കൂടുതൽ കടുത്ത നടപടികൾ സ്വീകരിക്കാൻ തീരുമാനിച്ചു. എന്‍.ഡി.പി.എസ് നിയമത്തിലെ 68 എഫ് വകുപ്പിന്റെ അടിസ്ഥാനത്തിലാണ് പ്രതിയുടെ ബാങ്ക് അക്കൗണ്ട് മരവിപ്പിക്കുന്നതിന് പൊലീസ് നടപടി എടുത്തത്
ഈ നിയമപ്രകാരം, മയക്കുമരുന്ന് കേസിൽ ഉൾപ്പെട്ട പ്രതികളുടെ വസ്തുക്കളും വാഹനങ്ങളും കണ്ടുകെട്ടാൻ പോലീസ് നടപടികൾ സ്വീകരിക്കാം. മയക്കുമരുന്ന് കേസുകളിൽ ലഹരിവസ്തുക്കളുമായി പ്രതികൾ അറസ്റ്റിലാകുന്ന സംഭവങ്ങൾ പലതും ഉണ്ടെങ്കിലും, പ്രതികളുടെ ബാങ്ക് അക്കൗണ്ടുകൾ മരവിപ്പിക്കുന്നതുപോലുള്ള കടുത്ത നടപടികൾ അപൂർവമാണ്. സമാനമായ എൻഡിപിഎസ് കേസുകളിൽ, ഇത്തരത്തിൽ ബാങ്ക് അക്കൗണ്ടുകൾ മരവിപ്പിക്കുന്ന കടുത്ത നടപടികൾ സ്വീകരിക്കാനാണ് പോലീസ് നീക്കം ചെയ്യുന്നത്.
