: :
3

What's New?

വീഡിയോകോളുകളില്‍ എആര്‍ (ഓഗ്മെന്റഡ് റിയാലിറ്റി) ഫീച്ചറുകളുമായി വാട്‌സ്ആപ്പ് എത്തുന്നു. പുതിയ ഫീച്ചര്‍ ആന്‍ഡ്രോയിഡ് ഉപയോക്താക്കള്‍ക്ക് ലഭ്യമായേക്കുമെന്നാണ് റിപ്പോര്‍ട്ട്. ഫീച്ചര്‍ എത്തുന്നതോടെ ഓഡിയോ, വീഡിയോ കോളുകള്‍ക്ക് ഇനി കൂടുതല്‍ മികവ് ലഭിക്കും. …

ചെന്നൈ: കള്ളാക്കുറിച്ചി വിഷമദ്യ ദുരന്തത്തില്‍ മരിച്ചവരുടെ എണ്ണം 42 ആയി. 104 പേരാണ് വിവിധ ആശുപത്രികളിലായി ചികിത്സയിൽ കഴിയുന്നത്. 10 പേരുടെ നില അതീവ ​​ഗുരുതരമാണെന്നാണ് വിവരം. സേലം, തിരുവണ്ണാമലൈ, …

കൊച്ചി: ശബരിമല ഗ്രീൻഫീൽഡ് വിമാനത്താവളം പദ്ധതിക്ക് ഭൂമി ഏറ്റെടുക്കാനുള്ള വിജ്ഞാപനം പിൻവലിക്കുമെന്ന് സംസ്ഥാന സർക്കാർ. കേരള ഹൈക്കോടതിയിലാണ് സര്‍ക്കാര്‍ ഇക്കാര്യം അറിയിച്ചത്. ഭൂമി ഏറ്റെടുക്കുന്നതിനായി പുതിയ വിജ്ഞാപനം പുറത്തിറക്കുമെന്നും സര്‍ക്കാര്‍ …

സംസ്ഥാനത്ത് കുതിച്ചുയരുന്ന നിത്യോപയോഗ സാധനങ്ങളുടെ വിലയിൽ പൊറുതിമുട്ടി പൊതുജനം. പലവ്യഞ്ജന വസ്തുക്കൾക്കും പച്ചക്കറിക്കും ഒപ്പം ധ്യാന്യവർഗങ്ങളുടെ വിലയും കുതിച്ചുയരുകയാണ്. ഒരു കിലോ തുവരപരിപ്പിന് ചില്ലറ വിപണിയിൽ 190 രൂപ വരെ …

തിരുവനന്തപുരം: മുതലപ്പൊഴിയില്‍ വീണ്ടും അപകടം. മത്സ്യബന്ധന വള്ളം മറിഞ്ഞ് തൊഴിലാളി മരിച്ചു. അഞ്ചുതെങ്ങ് സ്വദേശി വിക്ടറാണ് (50) മരിച്ചത്. ഇന്ന് പുലര്‍ച്ചെ ഒന്നരയോടെയായിരുന്നു സംഭവം. വള്ളത്തിലുണ്ടായിരുന്ന മൂന്ന് പേര്‍ നീന്തി …

വാഹനത്തിൽ ഇന്ധനം നിറയ്ക്കാൻ ഇനി റോബോട്ട്

വാഹനങ്ങളിൽ അതിവേഗം ഇന്ധനം നിറയ്ക്കാൻ കഴിവുള്ള റോബോട്ടുകളെ അവതരിപ്പിച്ച് അബുദാബി നാഷണൽ ഓയിൽ കമ്പനി (ADNOC-അഡ്നോക്). പെട്രോൾ പമ്പുകളിൽ ജീവനക്കാർക്ക് പകരം റോബോട്ടിക് കൈകളാകും വാഹനങ്ങളിലിനി ഇന്ധനം നിറയ്ക്കുക. എഐ (AI) സാങ്കേതിക വിദ്യ ഉപയോഗിച്ച് പ്രവർത്തിക്കുന്ന ഈ റോബോട്ടിക് വിദ്യ പരീക്ഷണാടിസ്ഥാനത്തിൽ അബുദാബിയിലെ അൽ റീമിലാണ് നിലവിൽ അവതരിപ്പിച്ചിരിക്കുന്നത്.

ഈ വർഷം അവസാനത്തോടെ കൂടുതൽ പമ്പുകൾ റോബോട്ടിക് സാങ്കേതിക വിദ്യ ഉപയോഗിച്ച് പ്രവർത്തന ക്ഷമമാക്കാൻ സാധിക്കുമെന്ന് കരുതുന്നതായി അധികൃതർ അറിയിച്ചു. വാഹനങ്ങളിലെ ഇന്ധനം നിറയ്ക്കൽ കൂടുതൽ കാര്യക്ഷമമാക്കുന്നതിനുള്ള അഡ്നോക്കിന്റെ അഞ്ച് വർഷത്തെ പദ്ധതിയുടെ ഭാഗമായാണ് സാങ്കേതിക വിദ്യ വികസിപ്പിച്ചത്. പമ്പുകളിൽ ഉപഭോക്താക്കളുടെ കാത്ത് നിൽപ്പ് സമയം കുറയ്ക്കുന്നതിനും ജീവനക്കാരുടെ ജോലി എളുപ്പമാക്കുന്നതിനും റോബോട്ടുകൾ സഹായകരമായേക്കും.

പരീക്ഷണ ഘട്ടങ്ങൾ പൂർത്തിയാക്കുന്നതിൽ വിജയിക്കുകയും അംഗീകാരം ലഭിക്കുകയും ചെയ്ത ആദ്യത്തെ സാങ്കേതിക വിദ്യയാണ് അഡ്നോക്കിന്റേത്. വാഹനങ്ങളിലെ ഇന്ധനത്തിന്റെ അളവ് തിരിച്ചറിഞ്ഞു കൊണ്ട് ഉപഭോക്താക്കളുടെ ആവശ്യാനുസരണം ഇന്ധനം വാഹനങ്ങളിൽ നിറയ്ക്കാൻ റോബോട്ടുകൾക്ക് സാധിക്കും. ഇന്ധനം നിറയ്ക്കേണ്ട ഉപഭോക്താക്കൾ തങ്ങളുടെ വാഹനങ്ങളുമായി പമ്പിൽ എത്തുകയും തുടർന്ന് മൊബൈൽ ആപ്പ് വഴിയോ അല്ലെങ്കിൽ പമ്പിലെ ഡിജിറ്റൽ സ്ക്രീൻ വഴിയോ ആവശ്യമുള്ള ഇന്ധനം തിരഞ്ഞെടുക്കണം.

തുടർന്ന് റോബോട്ടുകളിലെ സെൻസറുകൾ വാഹനത്തിന്റെ പാർക്കിങ് സ്വയം മനസ്സിലാക്കുകയും അതിന്റെ ഇന്ധന നോസിൽ വാഹനത്തിന്റെ ടാങ്കിലേക്ക് നീളുകയും ചെയ്യും. നോസിൽ ടാങ്കിന് നേരെയാണെന്ന് സെൻസറുകൾ ഉറപ്പ് വരുത്തിയ ശേഷം വാഹനത്തിൽ ഇന്ധനം നിറയ്ക്കാൻ ആരംഭിക്കും. ഇന്ധനം നിറയ്ക്കുന്നതിലെ സുരക്ഷയും, കാര്യക്ഷമതയും ഉറപ്പ് വരുത്തുന്നതിനായി പ്രത്യേകം സെൻസറുകളും ക്യാമറകളും ഘടിപ്പിച്ചിട്ടുണ്ടാകും. ഇന്ധനം നിറച്ച ശേഷം റോബോട്ടിന്റെ കൈകൾ സ്വയം പിന്നിലേക്ക് മാറുകയും ചെയ്യും.

Facebook
WhatsApp
Telegram
Email
Twitter
LinkedIn
Pinterest

Leave a Reply

Your email address will not be published. Required fields are marked *

: :

IPL Live Score Updates

Recent News