കൽപ്പറ്റ: വയനാട് പുനരധിവാസത്തിനായി എസ്ഡിആർഎഫിൽ നിന്ന് ചെലവഴിക്കേണ്ട തുക സംബന്ധിച്ച കൃത്യമായ കണക്ക് നൽകാത്തതിനെ തുടർന്ന് സംസ്ഥാന സർക്കാരിനെ ഹൈക്കോടതി വിമർശിച്ചു. എസ്ഡിആർഎഫിലെ നീക്കിയിരിപ്പ്, വിനിയോഗിച്ച തുക, ആവശ്യമായ തുക എന്നിവയെക്കുറിച്ച് സർക്കാർ വിശദീകരണം നൽകണമെന്ന് കോടതി നിർദ്ദേശിച്ചു. കേന്ദ്രത്തോട് സഹായം തേടുമ്പോൾ കൃത്യമായ കണക്ക് ആവശ്യമാണ്. ദുരന്ത നിവാരണ അതോറിറ്റിയുടെ കണക്കുകൾ ശരിയല്ല. ദുരന്തത്തിൽപ്പെട്ടവരെ അപമാനിക്കുന്ന രീതിയിൽ നിലപാട് സ്വീകരിക്കരുതെന്നും കോടതി അഭിപ്രായപ്പെട്ടു. കണക്കുകൾ വ്യാഴാഴ്ച നൽകാമെന്ന് സർക്കാർ അറിയിച്ചു.
