മലപ്പുറം: നിറത്തിന്റെ പേരിൽ അവഹേളനത്തിന് ഇരയായ നവവധു ആത്മഹത്യ ചെയ്ത കേസിൽ ഭർത്താവ് അറസ്റ്റിലായി. അറസ്റ്റിലായത് മലപ്പുറം മൊറയൂർ സ്വദേശിയായ അബ്ദുൾ വാഹിദാണ്. വിദേശത്ത് നിന്ന് കണ്ണൂർ വിമാനത്താവളത്തിൽ എത്തിയപ്പോൾ പൊലീസ് അദ്ദേഹത്തെ പിടികൂടി. കഴിഞ്ഞ ചൊവ്വാഴ്ച മലപ്പുറത്തെ കുണ്ടോട്ടിയിൽ ഷഹാന മുംതാസ് ആത്മഹത്യ ചെയ്തിരുന്നു. പ്രതിയെ കൊണ്ടോട്ടി പൊലീസ് കൈമാറി.
കഴിഞ്ഞ ദിവസമാണ് ഷഹാനയുടെ ആത്മഹത്യയിൽ ഭർത്താവ് അബ്ദുള്‍ വാഹിദിനെതിരെ പൊലീസ് കൂടുതൽ വകുപ്പുകൾ ചുമത്തിയത്. ആത്മഹത്യാ പ്രേരണയും, ഭാര്യയെ മാനസികമായി പീഡിപ്പിക്കൽ എന്നുമാണ് ഈ വകുപ്പുകൾ. 19കാരിയായ ഷഹാന മുംതാസ് ചൊവ്വാഴ്ച വീട്ടിൽ തൂങ്ങി മരിച്ച നിലയിൽ കണ്ടെത്തുകയായിരുന്നു.
ഷഹാനയെ ആത്മഹത്യയിലേക്ക് നയിച്ച കാരണമായി ഭർത്താവിന്റെയും കുടുംബത്തിന്റെയും മാനസിക പീഡനത്തെ ബന്ധുക്കൾ ചൂണ്ടിക്കാട്ടി. നിറത്തെക്കുറിച്ച് ഷഹാനയെ ഭർത്താവ് സ്ഥിരമായി കളിയാക്കാറുണ്ടായിരുന്നു. “20 ദിവസമല്ലേ കൂടെ താമസിച്ചിട്ടുള്ളത്, എന്തിനാണ് ഇതിൽ തന്നെ പിടിച്ചു തൂങ്ങുന്നത്? വേറെ ഭർത്താവിനെ കാണാൻ കഴിയുമോ?” എന്നിങ്ങനെ ഭർത്താവിന്റെ അമ്മ പെൺകുട്ടിയുടെ മുന്നിൽ ചോദിച്ചിരുന്നുവെന്ന് ബന്ധുക്കൾ പറഞ്ഞു.
