ദില്ലി: റിസർവ് ബാങ്കിന്റെ ഗവർണറായി സഞ്ജയ് മൽഹോത്രയെ നിയമിക്കുമെന്ന് റിപ്പോർട്ടുകൾ സൂചിപ്പിക്കുന്നു. രാജസ്ഥാൻ കേഡറിലെ 1990 ബാച്ച് ഐഎഎസ് ഉദ്യോഗസ്ഥനാണ് മൽഹോത്ര. നിലവിലെ ഗവർണർ ശക്തികാന്ത ദാസിന്റെ കാലാവധി ഡിസംബർ 10-ന് അവസാനിക്കുന്നതിനാൽ, സഞ്ജയ് മൽഹോത്രയെ നിയമിക്കാൻ തീരുമാനിച്ചിരിക്കുകയാണ്. നിലവിൽ അദ്ദേഹം റവന്യൂ സെക്രട്ടറിയായി പ്രവർത്തിക്കുന്നു. മൂന്ന് വർഷത്തേക്കാണ് അദ്ദേഹത്തിന്റെ നിയമനം.
സഞ്ജയ് മൽഹോത്ര ഡിസംബർ 11-ന് ചുമതലയേൽക്കും. മുമ്പ്, പൊതുമേഖലാ സ്ഥാപനമായ ആർഇസിയുടെ ചെയർമാനും മാനേജിംഗ് ഡയറക്ടറുമായിരുന്ന അദ്ദേഹം ജിഎസ്ടി കൗൺസിലിന്റെ എക്‌സ്-ഓഫീഷ്യോ സെക്രട്ടറിയായും പ്രവർത്തിച്ചിട്ടുണ്ട്. ഐഐടി കാൺപൂരിലെ പൂർവ വിദ്യാർഥിയാണ് മൽഹോത്ര, കൂടാതെ യുഎസിലെ പ്രിൻസ്റ്റൺ യൂണിവേഴ്സിറ്റിയിൽ നിന്ന് പബ്ലിക് പോളിസിയിൽ ബിരുദാനന്തര ബിരുദവും നേടിയിട്ടുണ്ട്.
കഴിഞ്ഞ ദിവസം നടന്ന ആർബിഐ പണനയ യോഗത്തിൽ പലിശ കുറയ്ക്കണമെന്ന കേന്ദ്ര സർക്കാരിന്റെ സമ്മർദ്ദത്തിന് ഗവർണർ ശക്തികാന്ത ദാസ് പ്രതികരിച്ചില്ല. റിപ്പോ നിരക്ക് 6.5 ശതമാനത്തിൽ നിലനിൽക്കാൻ തീരുമാനിച്ചു. പണപ്പെരുപ്പം ഉയരുന്ന സാഹചര്യത്തിൽ പലിശ നിരക്ക് കുറയ്ക്കാൻ സാധിക്കില്ലെന്ന് അദ്ദേഹം വ്യക്തമാക്കിയിട്ടുണ്ട്. കൂടാതെ, അടുത്ത സാമ്പത്തിക വർഷത്തേക്കുള്ള രാജ്യത്തിന്റെ പ്രതീക്ഷിത ജിഡി.
