മുംബൈ: രാജ്യത്തെ രണ്ടാമത്തെ ഏറ്റവും വലിയ ടെലികോം ഓപ്പറേറ്റര്‍ ഭാരതി എയര്ടെല്ലിന്റെ എഐ സ്പാം തിരിച്ചറിയല്‍ സംവിധാനം വലിയ വിജയമായി മാറിയെന്ന് കമ്പനി അറിയിച്ചു. ഈ സംവിധാനത്തിന്റെ സഹായത്തോടെ, അവതരിപ്പിച്ച രണ്ടര മാസത്തിനിടെ 800 കോടി സ്പാം കോളുകളും 80 കോടി സ്പാം എസ്എംഎസുകളും കണ്ടെത്തിയതായി എയര്‍ടെല്‍ അറിയിച്ചു. ദിവസേന 10 ലക്ഷം വ്യത്യസ്ത സ്പാമര്‍മാരെ എയര്ടെല്ലിന്റെ എഐ സ്പാം ഡിറ്റക്ഷന്‍ സംവിധാനം തിരിച്ചറിഞ്ഞു.
പ്രവൃത്തിദിവസങ്ങളേക്കാള്‍ 40 ശതമാനം കുറവ് സ്പാം കോളുകള്‍ വാരാന്ത്യങ്ങളില്‍ ലഭിക്കുന്നു. സ്പാം നമ്പരുകളില്‍ നിന്നുള്ള കോളുകള്‍ സ്വീകരിക്കുന്നതില്‍ 12 ശതമാനം കുറവുണ്ടായിട്ടുണ്ട്. ഭാരതി എയര്ടെല്ലിന്റെ 92 ശതമാനം ഉപഭോക്താക്കളും കമ്പനി നല്‍കുന്ന തത്സമയ സ്പാം മുന്നറിയിപ്പുകള്‍ ഒരിക്കലും കണ്ടിട്ടുണ്ടെന്ന് പറയുന്നു. 36 മുതല്‍ 60 വയസ് വരെ പ്രായമുള്ളവരിലാണ് ഏറ്റവും കൂടുതല്‍ സ്പാം കോളുകളും എസ്എംഎസുകളും ലഭിക്കുന്നത്, എയര്‍ടെല്‍ പുറത്തുവിട്ട കണക്കുകള്‍ വ്യക്തമാക്കുന്നു.
സ്പാം ലഭിക്കുന്നതില്‍ പുരുഷന്മാരുടെ എണ്ണം കൂടുതലാണെന്ന് എയര്ടെല്ലിന്റെ ഡാറ്റ കാണിക്കുന്നു; 71 ശതമാനം പുരുഷന്മാരാണ് സ്പാം ലഭിക്കുന്നത്, സ്ത്രീകള്‍ 21 ശതമാനമാണ്. 10,000 രൂപ വരെ വിലയുള്ള ബജറ്റ് ഫോണുകളില്‍ 45 ശതമാനം സ്പാം കോളുകളും മെസേജുകളും ലഭിക്കുന്നു. ഇരുപതിനായിരം രൂപയ്ക്ക് മുകളിലുള്ള പ്രീമിയം ഫോണുകളില്‍ 20 ശതമാനം സ്പാം ലഭിക്കുന്നു, അതേസമയം പതിനായിരത്തിനും ഇരുപതിനായിരത്തിനും ഇടയില്‍ വിലയുള്ള മിഡ്-റേഞ്ച് ഫോണുകളില്‍ 35 ശതമാനം സ്പാം ലഭിക്കുന്നതായി എയര്‍ടെല്‍ വിശദീകരിക്കുന്നു.
