പ്രവാസികൾക്ക് പുതിയ വർക്ക് പെർമിറ്റ് അനുവദിക്കാൻ ബഹ്‌റൈൻ. ആറ് മാസക്കാലയളവിലും ഇനി പുതിയ വർക്ക് പെർമിറ്റ് നൽകാൻ തൊഴിൽ മന്ത്രിയും ലേബർ മാർക്കറ്റ് റെഗുലേറ്ററി അതോറിറ്റി ചെയർമാനുമായ ജമീൽ ഹുമൈദാൻ പുറത്തിറക്കിയ ഔദ്യോഗിക ഗസറ്റിൽ വ്യക്തമാക്കി. സാധാരണ രണ്ട് വർഷത്തേക്കുള്ള വർക്ക് പെർമിറ്റിന്റെ നിരക്കിൽ ഇപ്പോൾ ഒരു വർഷത്തേക്കുള്ള വർക്ക് പെർമിറ്റ് ലഭിക്കുന്നുണ്ട്. പുതിയ വിജ്ഞാപനത്തിലൂടെ നാലിലൊന്നു നിരക്കിൽ ആറ് മാസത്തേക്കുള്ള വർക്ക് പെർമിറ്റ് ലഭിക്കുമെന്നാണ് വ്യക്തമാകുന്നത്.
ഇതോടൊപ്പം അംഗീകൃത മാൻപവർ രജിസ്ട്രേഷൻ സെന്ററുകളുടെ അധികാരം കുറക്കാനും തീരുമാനിച്ചു. തീരുമാനം ഉടനടി നടപ്പാക്കാൻ എൽ.എം.ആർ.എ ചീഫ് എക്സിക്യൂട്ടിവിനോട് മന്ത്രി ആവശ്യപ്പെട്ടിട്ടുണ്ട്.
