ഇന്ഡോര്: മുഷ്താഖ് അലി ട്രോഫി ടി20 ടൂര്ണമെന്റില് ബാറ്റിംഗ് പ്രകടനം തുടരുന്ന ഗുജറാത്ത് വിക്കറ്റ് കീപ്പര് ഉര്വിൽ പട്ടേൽ, ത്രിപുരക്കെതിരെ 28 പന്തിൽ സെഞ്ചുറി നേടിയതോടെ ടി20 ക്രിക്കറ്റിലെ വേഗമേറിയ രണ്ടാമത്തെ സെഞ്ചുറി നേടിയിട്ടുണ്ട്. ഇന്ന് അദ്ദേഹം ഉത്തരാഖണ്ഡിനെതിരെ 36 പന്തിൽ സെഞ്ചുറി നേടി. 41 പന്തിൽ 115 റൺസെടുത്ത് പുറത്താകാതെ നിന്ന ഉര്വിൽ പട്ടേലിന്റെ പ്രകടനത്തിൽ ഗുജറാത്ത്, ഉത്തരാഖണ്ഡിനെ എട്ട് വിക്കറ്റിന് തോൽപ്പിച്ചു.
ആദ്യം ബാറ്റ് ചെയ്ത ഉത്തരാഖണ്ഡ് 20 ഓവറിൽ ഏഴ് വിക്കറ്റ് നഷ്ടത്തിൽ 182 റൺസ് നേടി. 13.1 ഓവറിൽ ഗുജറാത്ത് രണ്ട് വിക്കറ്റ് നഷ്ടത്തിൽ ലക്ഷ്യത്തിലെത്തി. ആര്യ ദേശായി(13 പന്തിൽ 23), അഭിഷേക് ആർ ദേശായി(7 പന്തിൽ 14) എന്നിവരുടെ വിക്കറ്റുകളാണ് ഗുജറാത്തിന് നഷ്ടമായത്. അക്സർ പട്ടേൽ 18 പന്തിൽ 28 റൺസുമായി പുറത്താകാതെ നിന്നു.
ഐപിഎൽ ലേലത്തിൽ ഏതെങ്കിലും ടീമിൽ എത്തുമെന്ന് പ്രതീക്ഷിച്ചിരുന്നു, എന്നാൽ ഗുജറാത്തിന് മികച്ച പ്രകടനം നൽകാൻ സാധിച്ചതിൽ സന്തോഷമുണ്ടെന്ന് ഉർവിൽ പട്ടേൽ പറഞ്ഞു. 2023-ൽ 20 ലക്ഷം രൂപയുടെ അടിസ്ഥാന വിലയിൽ ഗുജറാത്ത് ടൈറ്റൻസ് ടീമിൽ ചേർന്ന ഉർവിൽ പട്ടേൽ പ്ലേയിംഗ് ഇലവനിൽ കളിക്കാൻ സാധിച്ചില്ല. അടുത്ത സീസണിൽ ഉർവിൽ ടീമിൽ നിന്ന് ഒഴിവാക്കപ്പെട്ടു. ഈ തവണ ഐപിഎൽ മെഗാ താരലേലത്തിൽ വിക്കറ്റ് കീപ്പർ ബാറ്റർമാർക്കായി ടീമുകൾ വലിയ തുക ചെലവഴിച്ചെങ്കിലും, 30 ലക്ഷം രൂപയുടെ അടിസ്ഥാന വിലയുള്ള ഉർവിൽ പട്ടേലിനെ ആരും ടീമിൽ ഉൾക്കൊള്ളിച്ചില്ല.
